ავსტრიის ბუნდესლიგაში ოთარ კიტეიშვილმა, რომელიც გრაცის „შტურმის“ შემადგენლობაში იყო თავი გოლით და საგოლე გადაცემით გამოიჩინა, მოედნზე კი ყველაზე გამორჩეული ფიგურა იყო „ტიროლთან“ დაძაბულ ბრძოლაში, რომელიც გრაცელებმა 4:2 მოიგეს.
„შტურმმა“ საშინაო შეხვედრა ცუდად დაიწყო და პირველი ტაიმის ბოლოს 0:2-ს აგებდა, მაგრამ კიტეიშვილმა თამაში შემოატრიალა, 44-ე წუთზე ეფექტური თავური დარტყმით გაიტანა და სხვაობა შეამცირა, ხოლო მისი გადაცემით 66-ე წუთზე ანგარიში გრგიჩმა გაათანაბრა. შემდეგ კი გრაცელებმა 78-ე და 90+4-ე წუთებზე კიდევ ორი გაიტანეს.
კიტეიშვილმა ამ შეხვედრაში 8,6 ქულა მიიღო, რაც ორივე გუნდში საუკეთესო შეფასება იყო და მატჩის საუკეთესო მოთამაშედ აღიარეს.
